بلوچستان بار کونسل ءَ ماں رسانکدر ءَ وتی شنگ کرتگیں درشانے ءَ تُربَت ءَ ایل ایل بی ءِ نودربر انایت بلوچ ءِ ناھکیں کوش ایرجتگ ءُ گوشتگ کہ انایت ءِ کشندھانی دزگیر نہ بیگ کیچ انتزامیہ ءِ بے سوبی اِنت۔
آئی گوشتگ کہ تُربَت ھر وھد ءَ یک پُرایمنیں دمگے بوتگ ایشی جاور پہ زانت ھراب کنگ بوگ ءَ اَنت۔ پولیس ءُ انتزامیہ مردمانی جان ءُ مالانی پھریزگ ءَ بے سوب اَنت۔
آئی گوشتگ کہ تُربَت انتزامیہ انایت بلوچ ءِ کشندھاں دزگیر بہ کنت ءُ کیچ ءِ مھلوک ءِ پھریز ءَ بہ کنت۔
