زرباری کوریا: مروچی سھب ءِ ادار نو ءَ زرباری کوریا ءِ شھر موان ءَ مساپر کشیں بالی گرابے گوں یکسد ءُ ھپتاد ءُ پنچ مساپر ءَ بالی پٹ ءِ دیوال ءَ لگ اِتگ که چه ایشی ءَ باز مردم بیران بیتگ.
جھانی رسانکدر ءِ رد ءَ بالی گراب چه ٹائلنڈ ءِ بنجاھی شھر بنکاک ءَ درکپتگ ءُ دیم په زرباری کوریا ءَ روگ ءَ بیتگ که موان ءِ بالی پٹ ءَ نند ءِ میان ءَ آئی ءِ ٹائر پچ نه بیتگ اَنت ءُ آ بالی پٹ جاه ءِ دیوال ءَ لگ اِتگ ءُ تباه بیتگ.
زرباری کوریا ءِ سرکار ءَ داں اِے وھد ءَ یکسد ءُ ھپتاد مردم ءِ مرگ ءِ ھال راست کرتگ بلے ھندی بنشونانی رد ءَ اِے ویل ءَ بالی گراب ءِ یکسد ءُ ھپتاد ءُ پنچیں مساپر بیران بیتگ اَنت.
