بلوچ لبریشن آرمی ءِ جارکش جیئند ءَ ماں رسانکدر ءَ وتی شنگ کرتگیں درشانے ءَنوشکے ءُ شال ءَ چریکانی کوش ءِ زمہ واری من اتگ ءُ گوشتگ کہ بی ایل اے ءِ سرمچاراں نوشکے ءُ شال ءَ دو جتائیں ارشاں زورگریں پاکستانی لشکر ءِ دو چریک نشانگ کرتگ ۔
آئی ءَ گوشتگ کہ دوشی بی ایل اے ءِ سرمچاراں نوشکے بس اڈہ ءِ نزیک ءَزورگریں پاکستانی لشکر ءِ یک چیریکے نشانگ کرتگ۔ اے چریک وت ءَ چو گنوکانی وڑ ءَ کرتگ ءُ نوشکے بازار ءِ کِر ءُ کشاں پہ دژمنیں لشکر ءَ چاریگی ءَ بیتگ۔ بی ایل اے ءِ انٹیلی جنس بھرگ زراب ءَ ھمے چریک ءِ سر ءَ چم سک داتگ اَنت کہ شپ ءَ چہ دیوال ءَ دژمنیں لشکر ءِمزنیں بنجل ءَروگ ءُآھگ ءَگندگ بیتگ۔
جارکش ءَ گوشتگ کہ دگہ یک ارشے ءَزی بیگاہ ءَ پیز آباد ءَ سرمچاراں زورگریں پاکستانی لشکر ءِ دگہ یک چریکے نشانگ کرتگ کہ آئی ھم وت ءَ چو گنوکانی وڑ ءَ کرتگ ءُ کش ءُ گوراں پہ دژمنیں لشکر ءَ کار ءَ بیتگ۔
