بلوچستان لبریشن پرنٹ ءِ جارکش میجرگھرام ءَ ماں رسانکدر ءَ ھیرونک ءَ پاکستانی لشکر ءِ بنجل ءُ پنجگور ءَ ریاستی چریک ءِ کوش ءِ زمہ واری من اتگ ءُ گوشتگ کہ سرمچاراں کیچ ءِ ھند ھیرونکءَ پاکستانی لشکر ءِ بنجل گوں نوکیں سلاھاں نشانگ کرتگءُ پنجگور ءِ ھند گوارگوءَ راجی میار بار تیرگواری کرتگ ءُ کشتگ۔
آئی ءَ گوشتگ کہ شانزہ دسمبر ءِ شپ ءَیازدہ ءَ سرمچاراں کیچ ءِ ھند ھیرونک ءَبرجاھیں دژمنیں لشکر ءِ بنجل گوں مزنیں سلاھاں نشانگ کرتگ۔ ارش ءَ پاکستانی لشکر ءِ یک کارمندے مرتگ ءُ دو ٹپی بیتگ۔
جارکش ءَ گوشتگ کہ دگہ یک ارشے ءَ سرمچاراں سیزدہ دسمبر ءِ بیگاہ ءِ چار ءَپنجگور ءِ ھند گوارگو ءَزورگریں پاکستانی لشکر ءِملٹری انٹیلجنس ( ایم آئی ) ءِچریک ابدالگپور تیرگواری کرتگ ءُ کشتگ۔سرمچار راجی میاربار ءِ سر ءَ جتائیں میارباریاں شک بیتگ اَنت۔ آئی میارزورگریں پاکستانی لشکر ءُ چیریں ادارھانی جوڑ کرتگیں وتگڑیں کشندہ ٹولی ءُایم آئی ءِ کمکاری بیتگ۔
آئی ءَگوشتگ کہ راجی میاربار ابدالگپور سُستکگیں کنر گوارگوءِ جاہ منند انوں چتکاں پنجگور ءَ لشکرکشی ءُ گسانی سر ءَ باز بر ءَبیڑ برگ ءَ دژمن ءِگون ءَ ھمراہ بیتگ ءُ بلوچ ورنایانی زوریں بیگواھی ءُ دروگیں میڑاں ورنایانی کوشءَ ابید ورنا بلیک میل کرتگ اَنت ءُ آیان ءَ چاگردی سلکاریاں کارمرز کنگ ءَ ھوار بیتگ۔
میجر گھرام ءَ گوشتگ کہ داں سرڈگار ءِ آجوئی ءَ لشکر ءُ آئی چریکانی سر ءَارش برجاہ بنت۔
