بلوچ آجوئی لشکر ( بی ایل اے ) ءِ جارکش جیئند ءَ ماں رسانکدر ءَ وتی شنگ کرتگیں درشانے ءَ گوشتگ کہ بی ایل اے ءِ سرمچاراں پنجگور، نوشکے ءُ تربت ءَ سے جتائیں اُرشاں زورگریں پاکستانی لشکر ءَ ھوار آئی کمکار نشانگ کرتگ۔ اُرشاں سے کارمنداں ھوار یک چاریگے کشتگ ءُ یک گاڑی یے تاوان بوتگ۔
آئی ءَ گوشتگ کہ بی ایل اے ءِ سرمچاراں مرچی مرچی بیگاہ ءَ پنجگور ءِ ھند پروم، جاھین ءَ زورگریں پاکستانی لشکر ءِ کاروان ءَ ھواریں یک گاڑی یے ھما وھد ءَ گوں چیر کرتگیں شورھاں نشانگ کرتگ کہ آ ھمے ھند ءَ ترّ ءُ گرد کنگ ءَ بوتگ۔ تراک ءِ زد ءَ اتکگ ءُ یک گاڑی یے تاوان بوتگ دو دژمنیں کارمند جاھی مرتگ ءُ کم چہ کم سے ٹپی بوتگ۔
جارکش ءَ گوشتگ کہ دگہ یک اُرشے ءَ بی ایل اے ءِ سرمچاراں دوشی نوشکے ءِ گلنگور ءَ برجاھیں پاکستانی لشکر ءِ چوکی ءِ کارمند نشانگ کرتگ اَنت۔ سرمچاراں گوں نوکیں سلاھاں اُرش کرتگ یک دژمنیں کارمندے جاھی مرتگ ءُ کم چہ کم دو ٹپی بوتگ۔
آئی ءَ گوشتگ کہ بی ایل اے ءِ سرمچاراں تربت ءِ ھند نودز ءَ اُرش کرتگ ءُ زورگریں پاکستانی لشکر ءُ چیریں ادارھانی چاریگ ءُ کمکار گھرام ء الاھی بکش کشتگ۔ دژمن ءِ کمکار گھرام زورگریں لشکر ءِ گوشگ ءَ نودز، کلبر، شورمار ءُ کِر ءُ کشاں بلوچانی گون ءَ زوراکی ءَ دژمنیں لشکر ءِ کمک کنگ ءَ تچکی ءَ ھوار بوتگ ءُ ھمے ھند ءِ مردم رد داتگ اَنت ءُ دژمنیں لشکر ءِ گوشگ ءِ پد ءَ تنگ کنگ ءَ ھوار بوتگ، نشہ ءِ کاچاکی ءُ آدگہ سلکاریاں ھم ھوار بوتگ۔
جارکش ءَ گوشتگ کہ ھمے سال ءِ اکتوبر ءَ چاریگ ءُ کمکار امان اللہ ءِ کشگ ءَ پد گھرام نودز ءُ کِر ءُ کشاں دژمنیں لشکر ءَ سرگرم کرتگ۔ اے نیٹورک ءِ آدگہ مردم بی ایل اے ءِ نشانگ ءَ اَنت، آیانی آسر زوت امان اللہ ءُ گھرام ءِ وڑ ءَ بیت۔
جیئند ءَ وتی درشان ءِ گڈی ءَ گوشتگ کہ بی ایل اے ھمے سے ئیں اُرشانی زمہ واری ءَ منّ ایت۔
