آواران: زور بیگواھیں ڈاکٹر دین مھمد ءِ جنک سمی دین ءَ وتی شنگ کرتگیں تامربندے ءَ گوشتگ کہ زور بیگواھیں دلجان ءِ کھول ءَ نوہ روچ اِنت کہ آواران ءَ زھرشانی ءَ زھرشانی کنگ ءَ اِنت۔
آئی ءَ گوشتگ کہ باندا دلجان ءِ کھول ءِ زھرشانی ءَ دہ روچ سرجم بیت ءُ بلوچ یکجھتی کمیٹی ءِ نیمگ ءَ سھب ءِ دہ ءَ دمگدار ءِ کارگس ءِ دیم ءَ دیوانے برجم دارگ بیت۔
سمی دین ءَ گوشتگ کہ من گوں آواران ءِ کش ءُ گورانی چنچو میتگ ھست اَنت گوں درساں دزبندی کناں کہ باندا دوان ءَ بیا اَنت۔
آئی ءَ گوشتگ کہ ھما بیگواھیں مردمانی کیس یاداشت کنگ نہ بوتگ اَنت گوں کھولاں دزبندی کناں کہ بیا اَنت ءُ وتی مردمانی کیساں یاداشت بہ کن اَنت۔ ما آیان ءَ اے ھم موہ ءَ دئیں کہ آ بیا اَنت ءُ تلو ءِ سر ءَ پہ وتی بیگواھیں مردماں گپ بہ کن اَنت۔
