شال: دوازدہ سال پیش بیگواہ کنگ بوتگیں ابدراشد ءِ گھار ءَ وتی درشان ءَ گوشتگ کہ منی برات ابدرشید ءَ 27 اکتوبر 2012 ءَ سلاہ بندیں مردماں چہ جناہ دگ ءَ آوار جتگ ءُ بیگواہ کرتگ۔ اے دردیگیں ویل ءِ باروا مئے کھول ءَ انگت ءَ ھال دیگ ءَ نہ اَنت۔ ابدرشید ءِ زوریں بیگواھی ءَ دوازدہ سال سرجم بوگ ءَ اِنت کھول انگت ءَ انساپ ءِ چمدار اِنت۔
آئی ءَ گوشتگ کہ زوریں بیگواھی مردمی ھکانی بگیری اِنت ءُ کجام مردم سانمند اِنت ءُ گڑا آ کھول اے رنج ءَ اوپار کرتگ نہ کنتءُ مردماں سسائی آزارانی دیمپان کنت۔ اے جیڑہ تیوک ءَ پہ سانمندیں کھولاں نہ بلکیں پہ سرجمیں چاگرد ءِ انساپءِ لوٹ ءَ جستے ودی کنت۔
گھار ءَ گوشتگ کہ ما گوں درسیں مردمی ھکانی گل، سوسائٹی ءُ سرکار ءَلوٹ کن ایں کہ آ پہ ابدراشد ءِ آجوئی ءَ زوت وتی کرد ءَ پیلو بہ کن اَنت ءُ پہ زوریں بیگواھی ءِجیڑہ ءِ ھلاس کنگ ءَ گامگیج بزور اَنت ءُ ایشی ءِ زمہ واراں جست بہ کن اَنت۔
آئی ءَ دیمتر ءَ گوشتگ کہ 27 نومبر 2024 ءَ ایکس ءَ پہ ابدراشد ءِآجوئی ءَ کمپینے برجم دارگ بیت ما گوں درسیں مردماں لوٹ کن ایں کہ اے کمپین ءَ بھر بزور اَنت ءُ گوں ابدراشد ءَ ھوار پہ درسیں بیگواھیں مردمانی آجوئی ءَ توار جست بہ کن انت۔
