ھیبرپکتونھوا/بلوچستان:پاکستانی لشکر ءِ رسانکدری بھرگ آئی ایس پی آر ءَ ماں رسانکدر ءَ وتی شنگ کرتگیں درشانے ءَ گوشتگ کہ ھیبرپکتونواہ ءِ ھند بنوں ءَ لشکر ءَ سلاہ بندیں مردمانی ڈوار ءِ سر ءَ اُرش کُرتگ کہ چہ ایشی ءَ سَے سلاہ بندیں مردم کُشگ ءُ دو ٹپی بیتگ۔آیانی سلاہ ءُ سامان ھم دستیگ کُرتگ اَنت۔
آئی گوشتگ کہ اے مردم لشکر ءِ سر ءَ اُرش دگہ ناشرکاریاں ھوار بیتگ اَنت۔
آئی ایس پی آر ءَ گوشتگ کہ بلوچستان ءِ جتاھیں ھنداں لشکرکشی ءِ میان ءَ چار سلاہ بندیں مردم جنگ بیتگ۔
آئی گوشتگ کہ بلوچستان ءِ ھند کیچ ءَ لشکر کشی ءِ میان ءَ یک سلاہ بندیں مردمے جنگ بیتگ، آواران ءَ لشکر کشی ءِ میان ءَ دو سلاہ بندیں مردم جنگ بیتگ ءُ ڈیرہ بگٹی ءَ لشکر کشی ءِ میان ءَ یک سلاہ بندیں مردمے جنگ بیتگ۔
