آواران/ گریشگ: زورگریں پاکستانی لشکر ءِ لشکرکشی ءِ میان ءَ شھید بوتگیں سرمچار آزم رھیم ءُ ارب نواز گلزمین ءِ میار کنگ بوتگ اَنت۔
اھوالکار ءِ رد ءَ شھید آزم رھیم ء مھمد رھیم آواران ءِ ھند تیرتیج ءِ جاہ منند اِنت کہ آئی لاش زی جند ءِ میتگ تیرتیج ءَ گلزمین ءِ میار کنگ بوتگ۔ پہ شھید آزم رھیم ءِ لاش ءِ چارگ ءَ ھندی مردماں بازیں کچے ءَ بھر زرتگ ءُ آئی لاش پہ اوگام گڈی وابجاہ ءَ سر کنگ ءُ گلزمین ءِ میار کنگ بوتگ۔
بنشون ءِ رد ءَ شھید ارب نواز ء رھمت گریشگ ءِ ھند ھسپہ کنری ءِ جاہ منند اِنت کہ آئی لاش زی جند ءِ میتگ ءَ گلزمین ءِ میار کنگ بوتگ۔ پہ لاش ءِ چارگ ءَ ھندی مردماں بازیں کچے ءَ بھر زرتگ۔
شھید آزم رھیم ءُ شھید ارب نواز دوئیں 12 نومبر ءَ بالگتر ءِ ھند کیلکور ءَ پاکستانی لشکر ءِ لشکرکشی ءِ میان ءَ شھید بوتگ اَنت۔
