بلوچ یکجھتی کمیٹی ءِ سروک ڈاکٹر ماہ رنگ ءَ ماں چاگردی رسانکدر ءَ وتی شنگ کرتگیں درشانے ءَ گوشتگ کہ بلوچستان ءِ وانگجاھانی لشکری بنجل جوڑ کنگ ءَ گوں ترندیں دانکاں ایر جن آں۔ بولان وانشجاہ ءَ پولیس جنکیں نودربراں پہ زور وابجاہ ءِ ھالی کنگ ءَ یکشل ءَ ترسینگ ءَ اِنت ءُ آیاں دزگیر کنگ ءِ بیھار ءَ دیگ ءَ اِنت۔
آئی ءَ گوشتگ کہ گوستگیں دو روچ اِنت جنکانی وابجاہ بند کنگ بوتگ۔ بلوچستان ءَ نودربر یکشل ءَ ریاستی آزاردھی ءِ آماچ اَنت۔
ڈاکٹر ماہ رنگ ءَ گوشتگ کہ یہ نیمگے ءَ سرجمیں بلوچستان ءَ نودربرانی زوریں بیگواھی ءِ ویلانی تہ ءَ یکشل ءَ تیزی بوگ ءَ اِنت ءُ دومی نیمگ ءَ وانگجاھانی وابجاھانی بند کنگ ءُ نودربرانی کَشگ، دزگیریں نودربرانی باروا ریاست ءِ رویشت ساپ پدر اِنت
