کیچ: دوشی شھرک ءَ زورگریں پاکستانی لشکر ءُ چیریں ادارھانی کارمنداں گسے ءَ بیڑ برتگ ءُ سھراب نامیں ورنایے آوار جنگ ءَ پد گوں وت برتگ۔
اھوالکار ءِ رد ءَ سھراب ء اسا شھرک ءِ جاہ اِنت ءُ تربت وانشجاہ ءِ کلرک اِنت۔ زورگریں پاکستانی لشکر ءُ چیریں ادارھانی کامنداں دوشی شپ ءِ سے ءَ آئی ءِ گس ءَ بیڑ برتگ ءُ آوار جتگ۔ زورگریں پاکستانی لشکر ءَ بیڑ برگ ءِ میان ءَ لٹ شاپ کرتگ ءُ سھراب ءِ پت ھسا ءُ آئی برات ٹپی کرتگ اَنت۔
بنشون ءِ رد ءَ زور بیگواھیں سھراب ءِ کھول ءَ آئی زوریں بیگواھی ءِ بگیری ءَ شھرک ءَ زھرشانی ءَ سی پیک دگ بند کرتگ۔
