بلوچ آجوئی لشکر ( بی ایل اے ) ءِ جارکش جیھند ءَ ماں رسانکدر ءَ وتی شنگ کرتگیں درشانے ءَ گوشتگ کہ بی ایل اے ءِ سرمچاراں چمالنگ ءُ کلات ءَ سے جتائیں اُرشاں زورگریں پاکستانی لشکر ءُ بلوچ راجی مڈیانی لٹ ءُ پل کنوکیں گاڑی نشانگ کرتگ۔
آئی ءَ گوشتگ کہ بی ایل اے ءِ سرمچاراں گوستگیں شپ ءَ چمالنگ ءَ ٹریپل موڑ ءَ زورگریں پاکستانی لشکر ءِ یک گاڑی یے گوں چیر کرتگیں شورھانی اُرش ءَ نشانگ کرتگ۔ تراک ءِ آسر ءَ آھوکیں گاڑی ءَ سواریں یک کارمندے مرتگ ءُ کم چہ کم سے ٹپی بوتگ اَنت گاڑی سکا تاوان بوتگ۔
جارکش ءَ گوشتگ کہ چہ ایشی پیش ھم گوستگیں روچ ءَ بی ایل اے ءِ سرمچاراں چمالنگ ءَ ھمے جاہ ءَ مڈی بروکیں سے گاڑی مانداشتگ ءُ تباہ کرتگ۔
آئی گوشتگ کہ ھمے وڑ ءَ مرچی بیگاہ ءَ بی ایل اے ءِ سرمچاراں کلات ءِ مھلبی ءَ مادن بروکیں یک اُرشے ءَ گاڑی نشانگ کنگ ءَ پد مانداشتگ ءُ تباہ کرتگ۔
جیھند ءَ گوشتگ کہ بی ایل اے ھمے سے ئیں ارشانی زمہ واری ءَ منّ ایت۔
