کراچی/دشت: زورگریں پاکستانی لشکر ءَ دو مردم آوار جنگ ءَ پد بیگواہ کرتگ اَنت۔
اھوالکار ءِ رد ءَ کراچی ءِ ھند لیاری، کلری سرگوات ءَ پاکستانی لشکر ءَ شپ ءِ سے ءَ گسے ءَ بیڑ برتگ ءُ مھبت ء اشرپ نامیں مردمے آوار جتگ ءُ بیگواہ کرتگ۔
بیگواھیں مھبت ءِ باروا گوشگ بیت کہ زورگریں پاکستانی لشکر ءَ یکبرے 18 پروری 2021 ءَ زوربیگواہ کرتگ ءُ چہ بازیں آزاراں پد آجو کنگ بوتگ اَت ءُ دوشی یکبرے پد ءَ آوار جنگ ءُ بیگواہ کنگ بوتگ۔
ھمے وڑ ءَ دشت درابول ءَ زورگریں پاکستانی لشکر ءَ ورنایے آوار جنگ ءَ پد بیگواہ کرتگ۔
اھوالکار ءِ رد ءَ زور بیگواہ کنگ بوتگیں ورنا ءِ نام آبد ءِ ابدُلرھیم اِنت کہ دشت درابول کھدا سادک بازار ءِ جاہ منند اِنت ۔ پاکستانی لشکر ءَ دو بیست پنجاہ ( 250 ) ءِ سیمسر ءَ آوار جنگ ءَ پد بیگواہ کرتگ کہ انگت بیگواہ اِنت۔
