سندهودیش روولیوشنری آرمی (ایس آر اے ) ءِ جارکش سوڈو سندی ءَ ماں رسانکدر ءَ وتی شنگ کرتگیں درشانے ءَ گوشتگ کہ ایس آر اے مرچی کوٹری ءِ کِش ءُ گوراں ھورشید پولیس پانگس ءِ سر ءَ ( جامشورو ) ءَ بوتگیں دستی بمب اُرش ءِ زمہ واری ءَ منّ ایت۔
آئی ءَ گوشتگ کہ سند پولیس ءُ سی ٹی ڈی، تیوک ءَ چامشورو پولیس دراجکشیں وھدے بیت کہ ریاستی لشکر ءُ چیریں ادارھانی دلاری ءَ کنگ ءُ راجی کارکن ءُ آیانی کھولاں ترسینگ، دزگیر کنگ ءُ دروگیں میڑاں شھید ءُ ٹپی کنگ ءِ ویلاں ھوار بوتگ۔ جامشورو ءِ وانگجاھاں شپ ءِ تھارونکیاں پترگ ءُ نودربر ءُ ٹیچرانی دلسیاہ کنگ ءُ وانگجاھاں لگتمال کنگ ءَ اَنت۔
جارکش ءَ گوشتگ کہ ایس آر اے سند پولیس، تیوک ءَ جامشورو پولیس ءَ کڈن کنت کہ ریاستی لشکر ءُ آئی چیریں ادارھانی رندگیری ءَ وتی ناشریں کارپداں یل بہ کن اَنت۔ اگاں نہ آیانی سر ءَ ترندیں اُرش گیش کنگ بنت۔
سوڈو سندی ءَ گوشتگ کہ ایس آر اے داں سند ءِ سرجمیں آجوئی ءَ وتی گھگیری جھد ءِ برجاہ دارگ ءَ کول ءَ کنت۔
