پنجگور: کیلکور ءَ زورگریں پاکستانی لشکر ءَ لشکرکشی ءِ میان ءَ سے مردم آوار جتگ ءُ بیگواہ کرتگ۔
اھوالکار ءِ رد ءَ پاکستانی لشکر ءَ بازیز ء ھالک داد، زباد ءُ لیواری ء پکیر آوار جتگ ءُ بیگواہ کرتگ اَنت۔ لیواری ءُ زباد کیلور چوٹین ءِ جاہ منند اَنت زی آوار جنگ بوتگ اَنت ءُ بازیز کیلکور پل ءِ مک ءَ نشتگ کہ دوشی شپ ءِ سے ءَ آوار جنگ بوتگ۔
ھندی بنشون ءِ رد ءَ زی زورگریں پاکستانی لشکر ءِ جنگی بالگرداں کمانڈو ایر کرتگ ءُ میتگ انگر کرتگ اَنت ءُ پد ءَ زمینی لشکر ھم آتکگ۔
زورگریں پاکستانی لشکر ءَ گسانی پَٹ ءُ پول ءِ ھواری ءَ گوں جنین ءُ زھگ ءُ آدگہ مردماں زوراکی کرتگ۔
