دالبندین: زورگریں پاکستانی لشکر ءِ زوراکیانی بگیری ءَ گاڑی واھنداں زھرشانی ءَ شھدگ بند کرتگ۔ دگ ءِ بند بوگ ءِ سوب ءَ دوئیں نیمگاں بازیں کچے ءَ گاڑی اشتوک بوتگ اَنت۔
زھرشانی کنوکیں مردمانی گوشگ اِنت کہ پاکستانی لشکر ( ایپ سی ) ٹرالر گاڑیاں دارگ ءُ زر گرگ ءَ اِنت۔ چہ پاکستانی لشکر ءِ ھمک روچی زوراکیاں گاڑی واھند دلسیاہ اَنت۔
آیاں گوں دمگی واکدار ءَ لوٹ کرتگ ءُ گوشتگ کہ دالبندین واکدار ریاستی لشکر ءِ زوراکیانی سر ءَ دلگوش ءَ گور بہ کنت ءُ اے زوراکی بند کنگ بہ بنت۔ اگاں نہ ما وتی گاڑیاں ھمے جاہ ءَ دار ایں ءُ دگ ءَ بند کن ایں۔ ایشی درسیں زمہ واری دمگی واکدار ءِ سر ءَ بنت۔
