بلوچستان ءَ آجوئی سنگر ( بی ایل ایپ ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ سرمچاراں ھاران شھر ءَ ایپ سی ءِ گاڑی ءِ سر ءَ دستی بمب اُرشے کُرتگ کہ چہ ایشی ءَ ایپ سی ءِ دو کارمند ٹپی بیتگ۔
آئی ءَ گوشتگ کہ بیست ءُ دو ستمبر ءَ یکشمبے ءِ روچ ءِ دوزدہ ءَ اے سوبمندیں کار کنگ بیتگ۔
جارکش ءَ گوشتگ کہ دژمن گوں نوکیں ٹیکنالوجی،نوکیں کیمرہ ءُ نوکیں مشیناں ابید ناگیگیں دمگاں سرمچارانی سوبمندیں کار آیانی گھتریں جنگی کارشونیانی منّانک اِنت، چہ ایشی ءَ نہ ایوک ءَ دُژمن تُرس ءِ آماچ اِنت بلکیں سَسّائی بنیاد ءَ آ لس مردماں دیم ءَ دارگ ءِ جُھد ءَ کنگ ءَ اِنت۔
آئی ءَ گوشتگ کہ بی ایل ایپ ءِ سوبمندیں کارشونیاں دژمن ھنچوش پروش داتگ کہ آ وتی پروش ءُ شرمندی ءِ چیر دیگ ءَ ما چاگردی رسانکدر ءَ گوں وتی باڑھی چریکاں بلوچ راجی زْرمبشت ءِ بگیری ءَ دروگ بندیت ءُ گْواچن ءِ چیر دیگ ءِ بے سوبیں جُھدے کنگ ءَ اِنت۔
جارکش ءَ گوشتگ کہ ما اے اُرش ءَ لس مردمانی تاوان ءَ بژنیگیں ءُ چہ مردماں دزبندی کن ایں کہ چہ دژمنیں لشکر ءُ چہ آئی ءِ شوربندیاں وت ءَ گستا بہ دار اَنت مئےسرمچار کجام ھم وھد ءَ آیاں نشانگ کن اَنت۔
میجر گھرام ءَ ارش ءِ زمہ واری من اتگ ءُ گوشتگ کہ داں بلوچستان ءِ آجوئی ءَ جُھد ءِ برجاہ دارگ ءِ کول ءَ کن ایں۔
