شال : بلوچ آجوئی لوٹوکیں سروک اکتر ندیم ءَ ماں چاگردی رسانکدر ایکس ءَ نوکیں سال ءِ مرادباتی ءَ نبشتگ کہ بلوچ آجوئی جھد ءِ درستیں جھد کار ءُ سرمچاراں نوکیں سال مراد بات۔ دژمن ءِ زوراکیانی کھریں سال آسر بوت ءُ بلوچ سرمچاراں ھم گو ں ترندیں ھکلاں دژمن سرین پروش کرتگ۔
آئی ءَ گوشتگ کہ بلوچ جھد کار ءُ بلوچ مھلوک دنیا ءِ کجام کنڈاں کہ نشتگ اَنت، سر ڈگار ءِ سر ءِ وتی مردمانی سر ءَ دژمن ءِ زوراکیانی بگیری ءَ یک مشت بہ بہ اَنت ءُ سرڈگار ءِ سر ءَ مڑوکیں سرمتابیں سرمچارانی پلہ مرزی ءَ ھر وڑ ءَ ساڑی بہ بہ اَنت، آجوئی نزیک اِنت۔
