بلوچستان آجوئی سنگر ( بی ایل ایپ ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ سرمچاراں بارکان ءِ ھند رکنی بیکڑ ڈیرہ بگٹی دگ اوچھٹری ءَ زورگریں پاکستانی لشکر ءِ پانگس ءُ ھمے جاہ ءَ مکیں یوپون موبائل ٹاور مانداشتگ۔
آئی ءَ گوشتگ کہ 21 سمبر ءِ شپ ءِ نو ءَ مئے سرمچاراں بارکان ءِ ھند اوچھڑی ءَ برجاھیں پاکستانی لشکر ءِ پانگس ءِ سر ءَ گوں راکٹ ءُ مزنیں سلاھاں ارش کرتگ، ارش ءَسرمچاراں باز راکٹ ءِ گولا آس داتگ، راکٹ ءِ گولا پانگس ءِ تہ ءَ کپتگ اَنت چہ ایشی ءَ زورگریں لشکر ءَ جانی ءُ مالی تاوان بوتگ۔
جارکش ءَ گوشتگ کہ دگہ یک کاروائی یے ءَ سرمچاراں چہ پانگس ءَ پنچ کلو میٹر دوری ءَ مکیں یوپون موبائل ٹاور سرجم ءَ تباہ کرتگءُ سولر سسٹم ءَ ھوار مشین ءُ سامان مانداشتگ اَنت۔
آئی ءَ گوشتگ کہ ارش ءَ پد وتگڑیں مزن وزیر سرپراز بگٹی ءِ سروکی ءَ برجاھیں کشندہ ٹولی، امن پورس ءِ کارمند ھمے جاہ ءَ سر بوتگ اَنت ءُ تیرگواری اِش کرتگ بلے سرمچار چہ جنگی کارشونیانی پارست ءَ سوبین بوتگ ءُدوئیں کاروائیانی پیلو کنگ ءَ پد پہ سلامتی وتی مھکمیں ڈروار ءَ سر بوتگ اَنت۔
جارکش ءَ گوشتگ کہ ریاستی لشکر ءُ امن پورس ءِ کارمنداں لس آبادیانی سر ءَ تیرگواری کرتگ ءُ مارٹر آس داتگ۔
آئی ءَ گوشتگ کہ ریاست پاکستان وتی نوکیں مشینری ءُ لکانی کچ ءَ لشکری کارمندانی تہ ءَ تونگر اِنت ءُ لس آبادیاں نشانگ کنت ءُ زور ءُ آزاردھی ءِ پارست ءَ بلوچ لس مردماں دارگ لوٹ ایت۔ بلے بلوچ سرمچارانی سوبمندیں جنگی شوربندیاں ریاستی لشکر ءِ بلوچستان ءَ کارپد ءُ دودمانی شرپ پروش ءِ آماچ کرتگ اَنت۔ راستی ھمیش اِنت کہ بلوچ سرمچاراں بلوچ چاگرد ءُ بلوچ لس مردمانی دلانی تہ ءَ وت ءَ جاگہ داتگ۔ اے بی ایل ایپ ءِ سوبمندی ءِ یک منانکے۔
میجر گھرام ءَ ارش ءِ زمہ واری من اتگ ءُ گوشتگ کہ داں چہ بلوچستان ءَ پاکستانی لشکر ءِ سرجم ءَ در آھگ ءَارش کنگ ءِ کول ءَ کن ایں۔
