جنیوا: اکوام متھدہ ءِ مردمی ھکانی کونسل ءِ پنجاہ ءُ ھپتمی مراگش ءِمیان ءَ بلوچ راجی زرمبشت ( بی این ایم ) ءِ زھرشانی ءَ تران کرتگ ءُ کنگز وانشجاہ لندن ءِ ساچشتکار ءُ پی ایچ ڈی ءِامیدوار جاپر مرزا ءَ چہ پاکستان ءَ زوریں بیگواھی ءِ زوت بند کنگ ءِ لوٹ کرتگ۔
آئی ءَ بی این ایم ءِ زھرشانی ءَ بھر زرتگ ءُ آئی ءَ دلگوش داتگ کہ پاکستان بلوچستان ءَ مڈیانی لٹ ءُ پل ءُ بلوچ راج ءِ بنیادی مردمی ھکانی بگیری ءَ کنگ ءَ اِنت۔
آئی ءَ کڈن کرتگ کہ ریاستی زوراکیانی درچ بلوچ راج ءِ ارادہ ءَگیش زور دنت۔
آئی ءَ گوشتگ کہ بلوچستان ءِ جیڑہ تچک اِنت اے بنیادی ھک، مردمی شرپ ءُ بلوچ راج ءِ پجار ءِ جیڑہ اِنت۔ زوریں بیگواھی ءِ بگیری ءَ تکشام میان استمان ءِ نیمگ ءَ توانمند بوگ ءَ اِنت ءُ پاکستان ءَ سوڑگ کنگ لوٹ ایت کہ اے جیڑھاں کجام داب ءَ گیش ءُ گیوار کنگ لوٹ ایت۔
آئی ءَ پاکستان سرکار زور داتگ کہ آ اے باروا زوت کاروائی بہ کنت ءُ کڈن کرتگ کہ اے وڑکنگ ءَ بے سوبی پہ درساں مزنیں آسرے ءِ سوب جوڑ بیت۔
