پنجگور: زور بیگواہ کنگ بوتگیں زاکر دشتی ءِ کھول ءِ نیمگ ءَ مرچی سی پیک دگ ءَ دو روچ اِنت کہ زھرشانی نندانک برجاہ اِنت۔ دگ ءِ بند بوگ ءِ سوب ءَ مساپر سکا جنجالانی دیمپان اَنت۔
زھرشانی نندانک ءَ سیاسی ءُ چاگردی باسکانی ھواری ءَ جنین ءُ زھگاں بازیں کچے ءَ بھر زرتگ ءُ نشتگ اَنت۔
کھول ءِ گوشگ اِنت کہ سے روچ پیش سلاہ بندیں مردماں زاکر ءَ آوار جتگ ءُ گوں وت برتگ کہ انگت بیگواہ اِنت۔ چہ ھما روچ ءَ پد واکدار بے توار اِنت ءُ ھچ پسو دیگ ءَ نہ اِنت۔
آیانی گوشگ اِنت دانکہ زاکردشتی آجو نہ بوتگ ما وتی زھرشانی نندانک ءَ برجاہ دار این ءُ وتی زھرشانی ءَ گیش ترند کن ایں۔
