بلوچستان آجوئی سنگر ( بی ایل ایپ ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ نمیرانیں لیپٹننٹ اکتر پنام الی ء ھاجی مھمد جھمنند تمپ گومازی بی ایل ایپ ءِ سرمچارے بیتگ کہ 28 اگست 2024 ءَ زورگریں پاکستانی لشکر ءِ باڑھی چریکاں جتگ ءُ نمیران کُرتگ۔
آئی ءَ گوشتگ کہ بی ایل نمیرانیں لیپٹننٹ اکتر پنام الی ءَ پہ آئی ءِ گرانبھائیں دیمونی ءَ ستاشانی ندر کنت۔نمیرانیں ھمبل ءِ کُشندھانی پٹ ءُ پول برجاہ اِنت، ھمایاں نمیرانیں ھمبل اکتر نمیران کُرتگ آ راجی میار بار اَنت، گل آیاں نشون کنگ ءُ آیاں وتی گُڈی جاہ ءَ سر کنت۔ چوشیں کَس پہ راجاں نادراھی اَنت کہ ایشانی ھلاس کنگ راجی ھستی،آجوئی ءُ پہ دیمروئی ءَ ھژدری اِنت۔
جارکش ءَ گوشتگ کہ اکتر بلوچ آجوئی زْرمبشت ءِ یک گرانبھائیں ھمبلے بیتگ۔ مزن ھور ءَ کار ءَ بیتگ کہ 2009 ءَ واتر ڈیھ ءَ اتکگ ءُ بی ایل ایپ ءَ ھوار بیتگ ءُ راجی ایردستی ءِ بگیری ءَ جُھدے کُرتگ، آئی مشکے ءَ جنگی ھیلکاری در بُرتگ ءُ جتائیں جنگی پڑاں دژمن ءِ بگیری ءَ جنگاں بھرئے زُرتگ ءُ دُژمن ئے پروش داتگ۔
میجر گھرام ءَ گوشتگ کہ آئی ءِ مزن شانیں بودناکی ءِ سْوب ءَ گل ءَ آئی ءَ شھر ءَ سرمچارانی یک ٹولی یے ءِ کمانداری ءِ زمہ واری داتگ۔آ لیپٹیننٹ ئِے ءِ بستار ءَ وتی راجی زمہ واری ءَ پیلو کنگ ءَ بیتگ، آئی چیرجنگی کارشونیانی رد ءَ شھر ءَ سلاہ بندیں جُھد کُرتگ۔ 2012 ءَ پدر بیگ ءَ پد کوہ ءَ شُتگ، آئی سیاھجی، مزنبند، کلبر، زامران، بلیدہ ءُ بالگتر ءَ بی ایل ایپ ءِ کاراں بھر زُرتگ۔
آئی ءَ گوشتگ کہ آ 3 اگست 2016 ءَ گوں ھمبلیں سرمچار نمیرانیں امان پنام کنر ءِ ھمراھی ءَ دژمن ءِ بگیری ءَ یک کارے ءَ ٹپی ھم بیتگ بلے ٹپی بیگ ءَ ابید آئی گوں دژمن ءَ جنگ داتگ ءُ گوں وتی ھمبلاں ھوار پہ دْراھی درکپتگ، اے میان ءَ نمیرانیں امان پنام کنر پہ سرڈگار ءِ دیمپانی ءَ نمیران بیتگ، آ جان دُراھی ءَ پد پَد ءَ پہ وتی راجی زمہ واریانی پیلو کنگ ءَ جنگی پِڑ ءَ واتر اتکگ۔
جارکش ءَ گوشتگ کہ گْوستگیں دو سال بیت کہ آ گل ءِ شور ءُ سلاھانی پد ءَ شھر ءَ نشتگ کہ پاکستانی چیریں ادارھانی کارمنداں نمیران کُرتگ۔
میجر گھرام ءَ گوشتگ کہ بی ایل ایپ وتی ھمبلیں سرمچار نمیرانیں لیپٹننٹ اکتر الی ءَ پہ آئی ءِ گرانبھائیں دیمونی ءَ ستاشانی ندر کنت ءُ کول کنت کہ نمیرانیں ھمبل ءِ لوٹ ءُ واھگ ھرچ پیم ءَ سرجم کنگ ءُ آئی ءِ دیستگیں واب بلوچستان آجو کنگ ءُ دژمن داں وتی آسر ءَ سر کنگ بیت۔
