بلوچ راجی زرمبشت ( بی این ایم ) ءِ مردمی ھکانی ادارہ پانک ءَ ماں چاگردی رسانکدر ایکس ءَ وتی درشانے ءَ گوشتگ کہ 13 ستمبر 2023 ءَ چہ ڈیرہ گازی ھان ءَ یار ھان بزدار ءُ شیران بزدار ءَ پاکستانی لشکر ءَ آوار جتگ ءُ بیگواہ کرتگ۔ اے ویل زوریں بیگواھی بژن ءِ گیش کنگ ءَ پیش دار ایت۔ اے یک ٹوھیں جیڑھے ایشی سر ءَ میان استمانی مردمی ھکانی ادارھاں زوت گوں سنگینی ءَ دلگوش کنگ ھژدری اِنت۔
آئی ءَ گوشتگ کہ یار ھان بزدار ءُ شیران بزدار ءِ زوتیں آجوئی سکا ھژدری اِنت۔ آیانی زوریں بیگواھی مردمی ھکانی بگیری اِنت ءُ اے وڑیں کارپداں ھچ وڑیں انساپ دوستیں چاگردے اوپار کرت نہ کنت۔
