شال: بلوچستان بار کونسل، کوئٹہ بار ایسوسی ایشن ءُ وکیلاں بازیں کچے ءَ پہ وتی دو ھمبل ایڈوکیٹ سلاہ الدین مینگل ءُ ایڈوکیٹ پدا اھمد دشتی ءِ زوریں بیگواھی ءِ بگیری ءَ پریس کانپریس کرتگ ءُ گوشتگ کہ اگاں مئے ھمبل ءُ باسک داں چل ءُ ھشت اداراں یل کنگ نہ بوت اَنت ءُ آوار جنوکانی بگیری ءَ کانودی کاروائی کنگ نہ بوت گڑا مئے آھوکیں گامگیج سکا ترند بیت۔
آیاں گوشتگ کہ ما وتی ھمبلانی گون ءَ اوشتاتگ ایں ءُ پہ آیانی سلامتی یل کنگ ءُ پھریزگ ءَ سرجمیں ڈیھ ءَ زرمبشت برجم دار ایں۔
آیاں وتی پریس کانپریس ءِ گڈی ءَ باندا شمبے ءِ روچ ءَ سرجمیں بلوچستان ءَ آمیدگسی کاروائیاں نہ روگ ءِ جار جتگ۔
