بلوچ راجی زرمبشت ( بی این ایم ) ءِ نیمگ ءَ شنگ بوتگیں جارے ءَ گوشگ بوتگ کہ شانزدہ داں ھژدہ ستمبر ءَ سوئرزلینڈ ءِ شھر جنیوا ءَ مچی یے، کانپرنسےءُ سئے روچی Photo Exhibition یے (اکسی نمائش) کنگ ءَ اِنت۔
آئی ءَ گوشتگ کہ ما چہ وتی نیمگ ءَ اڈ کرتگیں اکسانی پجیگ ءَ جھان ءِ درستیں بلوچ اکس گراں اے موہ دیگ لوٹ ایں کہ آ اگاں وتی اکساں اے نمائش ءَ پیش دارگ لوٹ اَنت گڑا گوں وتی نگاھاں مار اتگ ءُ کش اتگیں اکساں پہ ما دیم بہ دے اَنت چیا کہ ما پہ آھاں یک جتائیں سیکشنے اڈ دیگ ءَ ایں۔
آئی ءَ گوشتگ کہ شما کہ وتی مارشت اکسانی تہ ءَ بند کرتگ اَنت، اے پہ ما شرپے بیت کہ ما آھاں وتی اکسی نمائش ءِ بھر کرت بہ کن ایں۔ بلے مئے شونکاراناں ھم موکل دیگ بہ بیت کہ اے اکسانی تہ ءَ وتی گچین ءَ کرت بہ کن اَنت۔
آئی ءَ گوشتگ کہ اے اکس بلوچ ءُ بلوچستان ءِ جیڑہ، بلوچستان ءِ گْوستانک ءُ زیبائی، یا بلوچءِ سر ءَ بیوکیں زوراکیانی سر ءَ بہ بہ اَنت۔ اے درگت ءَ ما گوں جھان ءِ درسیں بلوچ اکس گراں دست بندی کن ایں کہ آ وتی اکساں جھل ءِ داتگیں ای میلڈس ءِ سر ءَ چہ پنچ ستمبر ءَ پیسر راہ بہ دے اَنت۔
آئی ءَ گوشتگ کہ ھرچ اکس گرے لوٹ ایت کہ آئیءِ نام پدر کنگ بہ بیت گڑا آ وتی اکس ءِ سر ءَ، اکس ءِ رد ءَ کیپشنے ءُ وتی نام ءَ نبشتہ کرت کنت۔ آئیءِ پرنٹ کنگ ءُ پریم کنگ ءِ زمہ داری ءَ بی این ایم زور ایت۔
ما شمئے راھچار ایں۔
ای میل : zrumbeshnews@gmail.com
واٹساپ : 447868968529+
ٹیلی گرام : zrumbeshnews@
