آواران: مالار ءَ زی بیگاہ ءَ پاکستانی لشکر ءِ تیرگواری ءَ ماسٹر ابدالھالک ءِ ناھکیں کوش ءِ بگیری ءَ زھرشانی برجاہ اِنت۔ زھرشانی ءَ ھندی مردماں بازیں کچے ءَ بھر زرتگ۔
زھرشانی ءَ مالار ءِ دکانانی بند بوگ ءِ ھواری ءَ آواران کیچ شھدگ بند اِنت۔ مساپر سکا جنجالانی دیمپان اَنت۔
پہ زھرشانی ءِ ھلاس کنگ ءَ پاکستانی لشکر ءِ سروگاناں ھوار آواران دمگدار ھم مردماں تنگ کنگ ءَ اِنت کہ راہ ءَ پچ بہ کن اِت۔ بلے زھرشانی کنوکیں مردمانی گوشگ اِنت دانکہ ماسٹر ابدالھاک ءِ کشندہ دزگیر کنگ ءُ گوں کھول ءَ انساپ کنگ نہ بوتگ ما وتی زھرشانی ءَ ھلاس نہ کن ایں۔
یات بہ بہ اِت ماسٹر ابدالھاک ء دوست مھمد چیری مالار ءِ جاہ منند اِنت کہ زی بیگاہ ءَ آ وتی ڈگاران ءُ سر ءَ بوتگ کہ پاکستانی لشکر ءَ نشانگ کرتگ ءُ کشتگ۔
