بلوچ آجوئی لشکر ( بی ایل اے ) ءِ جارکش جیھند ءَ ماں رسانکدر ءَ وتی شنگ کرتگیں درشانے ءَ گوشتگ کہ بی ایل اے ءِ سرمچاراں مرچی شال ءَدو جتائیں کاروائیانی میان ءَ زوگریں پاکستانی لشکر ءِ وتگڑیں شاتکامی مراگش ءُ بیرک اسٹال گوں بمب ءَ نشانگ کرتگ اَنت۔
آئی ءَ گوشتگ کہ مرچی شالءَ سریاب ءِھند منیر مینگل دگ ءَ یک وانگجاھے ءَ پہ وتگڑیں آجوئی شاتکامی ءَ دیوانے بوگی بوتگ، کہ بی ایل اے ءِ سرمچاراں گوں بمب ءَ نشانگ کرتگ۔ اے جاہ ءَ زورگریں پاکستانی لشکر ءُ چیریں ادارھانی پرمان ءِ رد ءَ دیوان بوگ ءَ بوتگ۔ سرمچاراں پہ کڈمن کنگ ءَ اے وھد ءَ کاروئی کرتگ کہ اود ءَ کس ساڑی نہ بوتگ۔
جارکش ءَ گوشتگ کہ بی ایل اے ءِ سرمچاراں دگہ یک کاروائی یےءَ شال ءِ لیاکت بازار، چائنا مارکیٹ ءَ زورگریں پاکستانی لشکر ءِ سروکی ءَ برجاھیں پاکستانی بیرکانی اسٹال گوں بمب ءَ نشانگ کرتگ۔ ایشی ءِ آسر ءَ اسٹال سرجم ءَ تباہ بوتگ۔
آئی ءَ گوشتگ کہ ما تچکی ءَ گوش ایں کہ زورگریں پاکستانی لشکر ءِ سروکی ءَ برجاہ بیوکیں وتگڑیں آجوئی شاتکامی جاہ مئے نشانگ ءَ اَنت۔ زوگریں لشکر کروڑانی کچ ءَ زر ھرچ کنت ءُ اے وڑیں دیوانانی برجم دارگ بلوچستان ءَ پہ زور وتی بھر ءَ پدر کنگ لوٹ ایت۔ گوستانی ءُ زمینی راستی ءِ بگیری اِنت۔ چہ اے دیوانان ھمے پیش دارگ اِنت کہ بلوچ زورگریں پاکستان ءِ بھرے۔
بی ایل اے ءِ جارکش جیھند ءَ ارشانی زمہ واری من اِتگ ءُ گوشتگ کہ زورگریں پاکستانی لشکر ءُ آئی شریدارانی سر ءَ مئے ارش برجاہ بنت۔
