مستونگ: دہ روچ پیش چہ بلوچ راجی مچی ءِ کاروان ءَ آوار جنگ بوتگیں سے ورنا آجو بوتگ اَنت۔
آجو بوتگیں ورنایانی نام زبیر، انیس ءُ زید اِنت کہ 27 جولائی ءَ چہ مستونگ ءَ بلوچ راجی مچی ءِ کاروان ءَ پاکستانی لشکر ءَ آوار جتگ ءُ بیگواہ کرتگ اَنت۔ زور بیگواھیں ورنا دہ روچ ءَ گیش ءِ زوریں بیگواھی ءَ پد آجو بوتگ ءُ وتی گس ءَ سر اَنت۔
یات بہ بہ اِت کہ مستونگ ءَ پاکستانی لشکر ءَ بلوچ راجی مچی ءِ کاروان ءِ سر ءَ تیرگواری کرتگ اَت کہ ارش ءِ آسر ءَ چادرہ مردم ٹپی بوتگ۔ زوگریں پاکستانی لشکر ءَ باز مردم آوار جتگ ءُ بیگواہ کرتگ۔
