گوادر: پدی زر ءَجوڑ کنگ بوتگیں بلوچی زبان ءِ شھزانتیں نبشتہ کار، زبان زانت، شائر ءُ بلوچی زبان ءِ بنداتی لبز بلد جوڑ کنوکیں ساچشتکار نمیرانیں سید زھورشاہ ھاشمی ءِ بت ءِ پروشگ ءِ جھد کنگ بوتگ۔
اھوالکار ءِ رد ءَ مرچی یک مزن ریشیں مردمے ءَ تپر گون بوتگ ءُ آئی ءَ پولیس ءِ دیم ءَ نمیرانیں سید ھاشمی ءِ بت ءُ پروشگ بندات کرتگ کہ چہ تپر جنگ ءَ بت ءِ پونز ءُ آینک تاوان بوتگ اَنت۔
زبان دوست ءُ راجدوستیں مردماں گوں گوادر واکدار ءَ لوٹ کرتگ کہ آ بلوچ راجی بامرد ءِ بت ءَ شر بہ کن اَنت ءُ پہ آئی پھریزگ ءَ گامگیج بزور اَنت۔
