بلوچ یکجھتی کمیٹی ءِ جارکش ءَ وتی شنگ کرتگیں درشانے ءَ گوشتگ کہ ریاستی ادارہ ءُ وتگڑیں استانی باسک بلوچ راجی مچی ءِ شھیدانی کھولا ں پہ ایپ آئی آر کنگ ءِ جیڑہ ءَ ترسینگ ءَ اَنت۔
آئی ءَ گوشتگ کہ ما ریاستی ادارہ ءُ وتگڑیں استانی اسمبلی ءِ باسکاں تچکی ءَ گوشگ لوٹ ایں کہ وتی ناشریں کارپداں یل بہ کن اِت۔ ما سرپد بہ ایں اے وھد ءَ ھما وڑ ءَریاست ءَ بلوچستان ءَ زوراکیانی گنتریں درورے برجاہ داشتگ۔ سکا زوت اے زوراکیانی بگیری ءَ مردمانی اوپار ھلاس بیت ءُ اے زوراکیانی بگیری ءَ لکانی کچ ءَ مردم دگانی سر ءَدر کپ ایت ءُ اے زوراکی ءِ نزام ءَ چہ بنیاد ءَ ھلاس کنت۔
آئی ءَ گوشتگ کہ وتگڑیں استانی اسمبلی ءِ باسکاں تچکی ءَ گوش ایں کہ ھما وڑ ءَ پہ یک سیٹ ءُ لب ءَ شما چہ شاہ ءَ گیش ءِ شاہ ءِ وپادار بوگ ءِ جھد ءَ کنگ ءَ اِنتءُ وتی لس مردمانی سر ءَ زوراکی کنگ ءِ پلہ مرزی ءَکنگ ءَ اِنت، اے چاگردی میارباری ءِ آسر ءَ شما ھم اے چاگردی پژدر ءِ دیم پہ دیمی ءَ کن اِت۔
