بلوچ آجوئی لشکر ( بی ایل اے ) ءِ جارکش جیھند ءَ ماں رسانکدر ءَ وتی شنگ کرتگیں درشانے ءَ گوشتگ کہ بی ایل اے ءِھمبل سرمچار سنگت نسیر پنام سکندر ءُ سنگت گلام جان پنام استاد ساچان راجی آجوئی ءِ راہ ءَ وتی پرز ءِ پیلو کنگ ءِ میان ءَ شھید بوتگ اَنت۔
آئی ءَ گوشتگ کہ بی ایل اے ءِ سرمچار نسیر اھمد پنام سکندر پہ بلوچ راجی آجوئی ءِ گرگ ءَ وتی پرز ءِ پیلو کنگ ءِ میان ءَ گوستگیں روچاں 23 جولائی 2024 ءَ گچک ءَ چہ مارے ءِ ورگ ءَ شھید بوتگ۔
جارکش ءَ گوشتگ کہ سنگت نسیر اھمد ء ملا مھمد ایسا واشک ءِ ھند بیسمگ سولیر ءِ جاہ منند اِنت۔ آ 2015 ءَ ھمبلیں گل ءَ ھوار بوتگءُ بلوچ راجی ایردستی ءِ بگیری ءَ سلاہ بندیں جھد بندات کرتگ ءُ 2020 بی ایل اے ءَ ھوار بوتگ۔
آئی ءَ گوشتگ کہ شھید نسیر پنجگور، واشک، رکشان، گوران، کولواہ، ھوشاپ ءُ کیلکور ءَ جنگاں وتی پرز ءِ پیلو کرتگ ءُ ترندیں ارشانی بھر بوتگ ءُ دژمن ءِ سکا تاوان دیگ ءَ جوانیں کردے پیلو کرتگ۔
جارکش ءَ گوشتگ کہ آئی کھول زورگریں پاکستانی لشکر ءِ نیمگ ءَ یکشل ءَ زوراکیانی نشانگ بوتگ ءُ آئی گس شش بر ءَ لشکرکشیانی میان ءَ ماندارگ بوتگ اَنت، آ انگت ءَ چہ وتی راجی آجوئی ءِ لیکہ ءَ یک گامے پد کنز نہ بوتگ۔ آئی چہ وتی کرد ءُ دیمونیاں گوں دژمن ءَ تچک کرتگ کہ بلوچ، ایردستی ءِ سر ءَراجی آجوئی ءُ ھمے راہ ءَ شھیدی ءَ گچین کن آں۔
آئی ءَ گوشتگ کہ بی ایل اے ءِ سرمچار گلام جان پنام استاد ساچان 26 جولائی 2024 ءَ کیلکور ءَ شھید بوتگ۔ آ 25 جولائی ءَ پنجگور ءِ ھند کیلکور ءَ زورگریں پاکستانی لشکر ءِ جوڑ کرتگیں وتگڑیں کشندہ ٹولی ءِ سر ءَ بلوچ آجوئی سنگر ( براس ) ءِ آپریشن ءِ بھر بوتگ، اود ءَتیر ءِ سمبگ ءَ آ ٹپی بوتگ۔
جارکش ءَ گوشتگ کہ گلام جان ءَ براس ءِ سرمچاراں گوں ٹپگیں جاوراں مھکمیں جاہ ءَ برتگ، اود ءَ درمان کرتگ بلے آئی ٹپانی درد نہ سگ اتگ اَنت ءُ شھید بوتگ۔
آئی ءَ گوشتگ کہ شھید گلام جان پنام استاد ساچان ء مھمد پنجگور ءِ ھند سیداں ءِ جاہ منند اِنت۔آ 2013 ءَ بی ایل اے ءَ ھوار بوتگ ءُ راجی ایردستی ءِ بگیری ءَ پرکار بوتگ۔ شھید گلام جان چہ وتی جنگی بودناکیانی سوب ءَ زوت ھیلکاری کمان گچین کنگ بوتگ، ھمے سوب ءَ آئی ءَ استاد ءِ نام دیگ بوتگ۔
جارکش ءَ گوشتگ کہ شھید گلام جان اے وھد ءَ بی ایل اے ءِ پنجگور اوتاک ءِ کمک کمانی ءِ پرزا پیلو کنگ ءَ بوتگ۔ آئی پنجگور، بلیدہ، ھوشاپ، کیلکور، پروم، بالگتر، واشک، رکشان ءُ کولواہ ءَ جنگاں وتی جنگی بودناکی شریں وڑے ءَ پیش داشتگ ءُ دژمن ءَ تاوان داتگ۔
آئی ءَ گوشتگ کہ آ بلوچ آجوئی سنگر ( براس ) ءِ جتائیں آپریشنانی بھر بوتگ نہ تیوک ءَ دژمن ءِ پروش داتگ بلکیں بلوچ راجی ھم پتی ءِ مھکم کنگ ءَ جوانیں کردے پیلو کرتگ۔ شھید گلام جان ءِ لاش آئی جندءِ ھند ءَ گوں لشکری شرپ ءَ گوں آزاد بلوچستان ءِ بیرک ءَ گلزمین ءِ میار کنگ بوتگ۔
بی ایل اے ءِ جارکش جیھند ءَ گوشتگ کہ بی ایل اے شھید نسیر ءُ شھید گلام جان ءَ آیانی دیمونیانی سر ءَ ستک شانی ندر کنت ءُکول کنت کہ شھیدانی دیمونی کدی ھم شموشگ نہ بنتءُ زوت یا دیر ءَ آیانی منزل بلوچستان ءِ آجوئی ءَ گر ایں۔
