آواران: مشکے ءِ جاہ منند زور بیگواھیں ممتاز ءِ گھارزتک بانڑی ءَ گوشتگ کہ مشکے چو گزہ پٹی ءِ وڑ ءَ اِنت۔ اود ءِ جاہ منند اود ءَ نشت نہ کن اَنت، پاکستانی لشکر ءِ زوراکیانی آچیں مردم چہ اود ءَ در آتکگ ءُ آدگہ شھراں روگ ءُ مزدوری کنگ ءَ اَنت۔ آ اود ءَ ھم بکشگ نہ بنت۔ منی ناکو ممتاز چہ ھزدار ءَ بیگواہ کنگ بوتگ۔
آئی ءَ گوشتگ کہ منی ناکو 6 ستمبر 2022 ءَ چہ ھزدار ءَ سیمی بر ءَ زور بیگواہ کنگ بوتگ۔ ممتاز ءِ مات نادراہ اِنت ءُ مئے سرجمیں کھول جنجالانی دیمپان اِنت۔ مارا کجام میارباری ءِ سزا دیگ ءَ اَنت۔ اگاں ممتاز ءِ سر ءَ چونیں بھتامے ھست گڑا آمیدگس ءَ چی ءَ جوڑ کنگ بوتگ اَنت، آئی آمیدگس ءَ چی ءَ پیش نہ کن اَنت؟ آئی ءِ سر ءَ داں دو سال ءَ ھچ وڑیں میاباری سرزد نہ بوتگ گڑا نوں آجو کنگ بہ بیت۔
بانڑی ءَ گوں مردمی ھکانی گلاں لوٹ کرتگ کہ پہ منی ناکو ءِ آجوئی ءَ وتی کرد ءَ پیلو بہ کن اَنت ءُ مارا چہ اے رنجاں بہ رکین اَنت۔
