ھزدار ءِ ھند زھری ءَ پاکستانی پوج ءَ لشکرکشی ءِ میان ءَ جنینے ءَ ھوار سے مردم آوار جنگ ءَ پد بیگواہ کرتگ ءُ باز گس ڈرینتگ ءُ تباہ کرتگ۔
زرمبش جھگیر ءِ رد ءَ زھری ءِ میتگ نورگامہ ءَ زی پاکستانی پوج ءَ شیک ابدالسمد بلوچ ءِ گس ءَ بیڑ برتگ ءُ آئی گھار سپیہ بلوچ آوار جتگ ءُ برتگ آئی گس ڈیرنتگ ءُ تباہ کرتگ اَنت۔
سپیہ بلوچ ءِ کھول ءِ گوشگ اِنت کہ مارا آئی بابت ءَ ھچ وڑیں سرپدی دیگ ءَ نہ اَنت۔
دومی نیمگ ءَ ھمے میتگ ءَ بازیں دکان پاکستانی پوج ءَ مانداشتگ اَنت ءُ سیٹ اسد زھری ءُ زاھد ء ابد الزیز نامیں مردمے آوار جتگ ءُ بیگواہ کرتگ۔
ھندی بنشون ءِ رد ءَ لھتیں روچ بیت کہ زھری ءِ جتائیں ھنداں پاکستانی پوج ءَ لشکرکشی ءِ میان ءَ بازیں بے میاریں مردم کشتگ ءُ بازیں کشارے ھم مانداشتگ۔
