آواران: پاری نومبر ءَ زورگریں پاکستانی لشکر ءِ دست ءَ زور بیگواہ کنگ بوتگیں ورنا دیدگ ءِ کھول ءَ پہ آئی آجوئی ءَ توار چست کنگ ءِ لوٹ کرتگ۔
آئی ءَ گوشتگ کہ دیدگ ءِ موسا پیراندر لوپ ءِ جاہ منند اِنت 7 نومبر 2023 ءَ سھب ءَ پاکستانی لشکر ءَ آوار جنگ ءَ پد بیگواہ کرتگ کہ انگت بیگواہ اِنت۔
آئی گوشگ اِنت کہ دیدگ یک بے میاریں ورنایے آئی ءَ گوں ھچ وڑیں چست ایراں کار نہ بوتگ، اگاں دیدگ ءِ سر ءَ چونیں بھتامے ھست گڑا آمیدگس ءَ پیش کنگ ءُ آئی میارباری گوشگ بہ بیت، چہ ھشت ماہ ءِ زوریں بیگواھی ءَ آئی سرجمیں کھول رنجانی دیمپان اِنت۔
آئی ءَ گوں مردمی ھکانی ادارہ، سیاسی ءُ چاگردی باسکاں دزبندی کرتگ کہ پہ دیدگ ءِ آجوئی ءَ توار چست بہ کن اِت۔
