بلوچ راجی راھشون ءُ بلوچستان آجوئی سنگر( بی ایل ایپ) ءِ سرکماش ڈاکٹر اللہ نزر ءَ چاگردی رسانکدر ایکس ءَ گْوشتگ کہ بلوچستان ءَ داں بلوچ راج وش مہ بیت ھچ شوربندی ءُ مالکاری سوبین نہ بیت۔
آئی گْوشتگ کہ باسمائیں بلوچ راج گْوستانک ءَ پد ءَ گوں وتی ھون ءُ زانشت ءَ نبشتہ کنگ ءَ اِنت۔مرچی یک مھمکیں راجدوستیں لیکھے ءِ بنیاد ءَ بلوچستان ءِ آجوئی ءِ لوٹ وتی منزل ءَ سر بیت۔
بلوچ راھشون ءَ گْوشتگ کہ گْوستگیں دو دھکاں پاکستان ءِ لشکری کارروائی چوشکہ “عزمِ استحکام” برجاہ اِنت۔ پمشکا پاکستانی لشکر ءِ کِردانکی واک چہ بلوچستان ءَ ھلاس بیتگ۔ نوں آسر ھمیش اِنت کہ بلوچستان یک ٹوھیں بندیگجاہ ءُ کوشجاھے جوڑ بیتگ۔
آئی ءَ گْوشتگ کہ بژنی گپ ھمیش اِنت کہ روکپت ءُ امریکا ءَ پاکستانی لشکر ءِ پیمیں باڑھی زوراکے ءِ پلہ مرزی برجاہ داشتگ ءُ بلوچ راج ءِ چکچینی بیگ ءَ اِنت ءُ آیاں وتی چم بند کُرتگ اَنت۔
ڈاکٹر اللہ نزر ءَ گڈی ءَ گْوشتگ کہ ما جھان ءَ تچکی ءَ گْوشگ لوٹ ایں کہ بلوچستان ءَ داں بلوچ راج وش مہ بیت ھچ وڑیں شوربندی ءُ مالکاری سوبین نہ بیت۔
