تربت: کیچ دمگدار ءِ کارگس ءِ دیم ءَ برجاھیں زھرشانی نندانکءَ واکدار ءُ زور بیگواھیں مردمانی میان ءَ گپ ءُ تران بے سوب بوتگ ءُ زھرشانی برجاہ اِنت۔ زھرشانی نندانک ءَ زور بیگواھیں مردمانی کھول ءِ ھواری ءَ بلوچ یکجھتی کمیٹی ءِ سروک ءُ آدگہ سیاسی ءُ چاگردی باسک ساڑی بوتگ اَنت۔
برجاھیں زھرشانی نندانک ءَ چہ کیچ ءِ جتائیں جاھاںسیاسی ءُ چارگردی کارکناں ھوار جتائیں بھرگاں سیادی داروکیں مردم پہ زوربیگواھیں مردمانی کھولانی ھمدردی درشان کنگ ءَ پیداک اَنت۔
زھرشانی ءَ نشتگیں کھولانی گوشگ اِنت کہ باندا نندانک جاہ ءَ پریس کانپریس کن ایں ءُ وتی آھوکیں گامگیج ءِ جار ءَ جن ایں۔
یات بہ بہ اِت کہ زھرشانی نندانک ءَ مرچی ھپت روچ بوتگ، چار روچ شھید پدا اھمد چاراہ ءَ برجاہ بوتگ ءُ سے روچ اِنت کہ کیچ دمگدار ءِ کارگس ءَ دیم ءَ برجاہ بوتگ۔
