تربت: شھید پدا اھمد چاراہ ءَ برجاھیں زھرشانی ءَ نشتگیں زوربیگواھیں مردمانی کھولاں وتی شنگ کرتگیں جارے ءَ گوشتگ کہ مئے زھرشانی ننداک ءَ مرچی چار سرجم بوتگ کہ انگت برجاہ اِنت، چہ سرکار ءِ نیمگ ءَ پہ مئے لوٹاں ھچ وڑیں گامگیج زورگ نہ بوتگ۔
آیاں گوشتگ کہ مرچی بیگاہ ءِ شش ءَ ما وتی زھرشانی نندانک ءَ روانک ءِ دروشم ءَ چہ شھید پدا چاراہ ءَ داں دمگدار ءِ کارگس ءِ دیم ءَ بر ایں۔
آیاں گوں درسیں سیاسی، چاگردی گلاں ھوار گوں لس مردماں لوٹ کرتگ ءُ گوشتگ کہ مئے زھرشانی ءَ بھر بزور اِت ءُ مئے گون ءَ کمک بہ کن اِت۔
