کویت : چارشمبے ءِ روچ ءَ منکپ شھر ءَ ماڑی یے ءَ بن کرتگ چل ءُ یک مردم بیران بوتگ۔
جھانی رسانکدر ءِ رد ءَ ھمے ماڑی یے ءَ یک شرکتے ءِ 160 نوکر نشتگ اَنت،چہ آیاں باز مردم کشگ ءُ نادراھجاہ ءَ برگ بوتگ اَنت۔ انچوش گوشگ بوگ ءَ اِنت کہ گیشتر مردم چہ دوتاں دم ءِ بند بوگ ءِ سو ب ءَ بیران بوتگ اَنت۔
شرکت ءِ نام ءُ بیران بوتگیں مردمانی پجار گوشگ نہ بوتگ۔
ماڑی ءِ بن کنگ ءِ سوب انگت ءَ زانگ نہ بوتگ اے باروا پٹ ءُ پول برجاہ اِنت۔
دومی نیمگ ءَ کویت ءِ تھی کارانی وزیر ءَ ماڑی ءُ شرکت ءِ واھند ءِ دزگیری ءِ پرماں داتگ۔
