پنجاپ: جتائیں زانشتجاھانی دو براتاں ھوار چار نودربر آوار جنگ ءُ زور بیگواہ کنگ بوتگ اَنت۔
اسلامک زانشتجاہ بھاولپور ءِ سوشل ورک ءِ گولڈمیڈلسٹ ءُ گریجویٹ ھنیپ بلوچ 4 جون ءَ چہ وتی جند ءِ ھند بارکان ءَ آوار جنگ ءُ بیگواہ کنگ بوتگ۔ گوستگیں روچ ءَ آئی برات سئید بلوچ چہ بارکان ءَ پاکستانی لشکر ءَ آوار جتگ ءُ بیگواہ کرتگ۔
ھمے وڑ ءَ پنجاپ ءِ شھر سرگودھا ءَ سرگودھا زانشتجاہ ءِ نودربر دانش ء اکبال جاہ منند پنجگور ءُ پرھاد اھمد ء ایم تارک جاہ منند دالبندین ھپت جون ءَ بیگواہ کنگ بوتگ اَنت۔
اے باروا سرگودھا زانشتجاہ ءِ نودربرے ءِ گوشگ اِنت کہ دوئیں نودربر ھپت جون ءَ بیگواہ کنگ بوتگ اَنت ءُ اے باروا پولیس کیس ءَ نبشتہ کنگ ءَ نہ اِنت۔
