کیچ؛ بلیدہ ءَ زورگریں پاکستانی لشکر ءِ دست ءَ زور بیگواہ کنگ بوتگیں مردمانی کھولانی زھرشانی روانک تربت ءَ سر بوتگ۔ زھرشانی روانک ءَ جتائیں وھداں زور بیگوہ کنگ بوتگیں مردمانی کھول ھمراہ اَنت۔
زھرشانی ءَ نودر، جنین ءُ زھگ،سیاسی ءُ چاگردی کارکن ءُ جتائیں بھرگاں سیادی داروکیں مردماں بازی کچے ءَ بھر زرتگ ءُ اے وھدءَ مردم گلام نبی پمپ ءَ مچ بوتگ اَنت۔
یات بہ بہ اِت کہ 5 مئی ءَزور بیگواھیں مردمانی کھول ءَ تربت پریس کلب ءَ پریس کانپریس ءَ جار جتگ ءُ گوشتگ اَت کہ اگاں داں دہ روچاں مئے زور بیگواھیں مردم یل نہ بوت اَنت ما چہ بلیدہ ءَ داں تربت ءَ زھرشانی روانکے کش این ءُ تربت ءَ سربوت ایں وتی آھوکیں گامگیج ءِ جار ءَ جن ایں۔
