کیچ: کولواہ ءَ زورگریں پاکستانی لشکر بازیں کچے ءَ کوھاں پترتگ ءُ لشکرکشی کنگ ءَ اِنت۔
اھوالکار ءِ رد ءَ زورگریں پاکستانی لشکر چہ کولواہ ءِ میتگ سگک ءُ بلور ءَ زرباری کوھاں پترتگ ءُ لشکر کشی کنگ ءَ اِنت۔ زورگریں لشکر دوشی بازیں کچے ءَ کوھانی تہ ءَ پترتگ ءُ مرچی سھب ءَ ھم کوھانی تہ ءَ روگ ءَ گندگ بوتگ۔ لشکر ءَ کور ءُ شیپانی دپاں سنگر گپتگ ءُ نشتگ کوھانی تہ ءَ لشکرکشی کنگ ءَ اِنت۔
انگت ءَ دگہ آوارجنی ءِ ھال نیست، اے باروا مئے گیشیں جست ءُ پرس برجاہ اِنت۔
