آواران: پیکپ گاڑی ءِ چپی بوگ جنینے بیران ءُ جنین ءُ زھگاں ھوار باز مردم ٹپی بوتگ اَنت۔
اھوالکار ءِ رد ءَ بیران بوتگیں جنین ءِ نام زر بی بی اِنت ءُ چہ ٹپی بوتگیں مردماں بازیں مردمے ءِ جاور نا گیگ اَنت۔ گاڑی چہ آواران ءَ دیم پہ جاؤ ءَ روگ ءَ بوتگ کہ بریت ءَ چپی بوتگ۔ ٹپی بوتگیں مردم په درمان کنگ ءَ نادراه جاه ءَ دیم دیگ بوتگ انت ءُ بیران بوتگیں مردم ءِ لاش ھژدری چار ءُ ٹپاس ءَ پد کھول ءِ دست ءَ دیگ بوتگ.
ھمے وڑ ءَ ھزدار ءَ ٹرکے ءَ پرپٹے لگت داتگ کہ پرپٹ ءَ سواریں مردم بیران بوتگ اَنت۔
بنشون ءِ رد ءَ بیران بوتگیں مردمانی نام مھمد انس ء ابدالگنی ءُ سلمان ء ابدالواھد اِنت آیانی لاش پہ ھژدری چار ءُ ٹپاس کنگ ءَ نادراھجاہ ءَ برگ ءَ پد کھول ءِ دست ءَ دیگ بوتگ اَنت۔
