بلوچستان آجوئی سنگر ( بی ایل ایپ )ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ سرمچاراں مستونگ ءَ کڈکوچگ ءَ مادن بروکیں ٹرک نشانگ کُرتگ اَنت۔
آئی ءَ گوشتگ کہ 25 مئی ءِ شپ ءِ دہ ءُ چِل ءَ سرمچاراں مستونگ ءِ ھند کڈکوچگ ءَ سنگ مرمر بروکیں دو ٹرکانی سر ءَ تیرگْواری کُرتگ ءُ ٹائر تراکینتگ اَنت۔
جارکش ءَ گوشتگ کہ ما کَس ءَ بلوچستان ءِ مادنانی برگ ءِ موکل نہ دئیں۔زورگریں پاکستانی لشکر ءُ دژمنیں ریاست ءِ لُٹ ءُ پُلی شوربندیانی شریداریں شرکت چہ بلوچ راجی مڈیانی لُٹ ءُ پُل ءَ دزکش بہ بنت اگاں نہ گڑا تُرندیں اُرشانی دیمپان بنت۔
میجر گھرام ءَ گوشتگ کہ مادن بروکیں گاڑی ڈرائیور ءُ واھند چہ اے کار ءَ گستا بہ بنت اگاں نہ گڑا وتی جانی ءُ مالی تاوان ءِ زمہ وار وت اَنت ءُ داں سرجمیں سرڈگار ءِ آجوئی ءَ زورگریں لشکر ءُ ریاست ءِ دُرسیں سیت مئے نشانگ ءَ اَنت۔
