گْوادر: بلوچ یکجھتی کمیٹی ءِ سروک ڈاکٹر ماہ رنگ ءَ ماں چاگردی رسانکدر ایکس ءَ پہ گْوادر ءِ ٹٹ ءِ درگت ءَ نبشتگ کہ درس زان اَنت دروگیں کسہ ءُ پندل سازی ءَ زور ءُ مڈیاں کے کارمرز کنگ ءَ اِنت؟
آئی ءَ گوشتگ کہ چہ لک ءَ گیش مردم پنجرھے ءَ بند کرتگ، کمشرپی، مردمانی ترّ ءُ گرد ءِ سر ءَ پابندی جتگ پچیں دریا ءَ ماھیگیر چہ ھکاں زبھر کرتگ اَنت ءُ باپاری ءَ مھکم کرت نہ کنت۔ لشکریانی ھمک کلومیٹر ءَ پد یکشل ءَ جست گرگ کہ چہ کج ءَ پیداک ءُ کج ءَ روگ ءَ ئے، اے پھازدار نہ اَنت ءُ پہ پھازداری ءِ نام ءِ سر ءَ کمشرپی اَنت۔
ڈاکٹر ماہ رنگ ءِ گوشگ اِنت کہ بنکی جیڑہ ھمیش اِنت چین کجام ھم پیم ءَ گْوادر ءَ دستیگ کنگ لوٹ ایت۔ اسلام آباد ءُ راولپنڈی ءِ سوڑگ پہ چین ءِ باپاری ءَ اسٹیک ھولڈرز اَنت۔ چین گوادر ءِ ھندی مردماں مان نیار ایت ءُ گوادر ءِ بارو ءَ سرکار ءِ شونداتانی رندگیری ءَ کنت۔ بلوچستان اسمبلی تیوک ءَ اسلام آباد ءُ راولپنڈی ءِ ایجنٹ اِنت۔
آئی ءَ گوشتگ کہ انگت ءَ اے زورگری پھارداریں گامگیج گوں ترندی ءَ مردمانی گھگیری ءَ جست کنت۔ انچوش کہ گوست ءَ گندگ بوتگ ءُ آئی پد ءَ چکاسگ ءَ اِنت۔ نوں بازیں کساسے ءَ منگ بوتگ کہ چین ایسٹ انڈیا شرکت ءِ نیمگ ءَ اِنت، اسلام آباد ءُ راولپنڈی اسٹیک ھولدڑز ءِ رد ءَ ءُ بلوچستان اسمبلی آیانی پراکسی ءِ رد ءَ پہ باپاری ءِ آسرءَ ھراب اِنت، اِے تچک اِنت کہ آیاں در نہ برتگ۔
