بلوچستان آجوئی سنگر ( بی ایل ایپ ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ سرمچاراں کیچ ءِ ھند کولواہ، بلور ءُ ڈنڈار ءَ دُژمنیں پاکستانی لشکر ءِ سر ءَ اُرشاں سَے کارمند مُرتگ ءُ دو ٹپی بیتگ۔
آئی ءَ گوشتگ کہ مرچی سُھب ءِ ھشت ءَ بی ایل ایپ ءِ اسنائپر ٹک تیراں بلور ءَ برجاھیں زورگریں لشکر ءِ پانگس ءِ سر ءَ یک کارمندے نشانگ کُرتگ ءُ کُشتگ۔
جارکش ءَ گوشتگ کہ دگہ یک اُرشے ءَ سرمچاراں مرچی روچ ءِ چار ءَ ڈنڈار ءَ برجاھیں زورگریں پاکستانی لشکر ءِ بنجل ءِ سر ءَ پیسر ءَ گوں اسنائپر توپک ءَ یک کارمندے نشانگ کُرتگ ءُ کُشتگ، پد ءَ بنجل ءِ سر ءَ گوں ٹوھیں سلاھاں اُرش کُرتگ کہ چہ ایشی ءَ دگہ یک کارمندے مُرتگ ءُ دو ٹپی بیتگ۔
میجر گھرام ءَ اُرشانی زمہ واری منّ اتگ ءُ گوشتگ کہ داں بلوچستان ءِ آجوئی ءَ زورگریں لشکر ءِ سر ءَ سرمچارانی اُرش برجاہ بنت۔
