مشکے: نو سال پیش گورجک ءَ زورگریں پاکستانی لشکر ءِ دست ءَ شھید بوتگیں سالونکیں شھید اجاز، شھید باسد ندیم، شھید شھنواز ءُ شھید آپتاب ءِ سالروچ ءَ کھول ءِ نیمگ ءَ دیوانے برجم دارگ بوتگ۔
اھوالکار ءِ رد ءَ دیوان ءَ شھیدانی اکسانی دیم ءَ ڈیوا بالینگ ءُ اکسانی سر ءَ پل شانگ بوتگ ءُ مردماں شھید ستک شانی ندر کرتگ اَنت۔
یات بہ بہ اِت کہ 21 اپریل 2015 ءِ بامگواہ ءَ زورگریں پاکستانی لشکر ءُ چیریں ادارھانی کارمنداں گورجک ءَ سور ءِ سر ءَ بیڑ برتگ اَت ءُ سالونک آوار جنگ ءَ پد شھید کرتگ اَنت۔
چاریں شھید بلوچستان آجوئی سنگر ( بی ایل ایپ ) ءِ سروک اکتر ندیم ءِ برات ءُ تروزتک اَنت ءُ بلوچ آجوئی لوٹوکیں سیاسی جھدکار اَنت۔
شھید اجاز، شھید باسد ندیم ءُ شھید شھنواز بی ایس او آزاد ءُ شھید آپتاب بلوچ راجی زرمبشت ( بی این ایم ) ءِ باسکے بوتگ۔
اے شھیداں ابید چہ ھمے کھول ءَ شاھد ندیم ءُ آسپ ندیم ھم پہ ماتیں سرڈگار ءِ آجوئی ءِ جھد ءِ میان ءَ شھید بوتگ اَنت۔
