بلوچستان آجوئی سنگر ( بی ایل ایپ ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ سرمچاراں کیچ ءِ ھند مند ءَ دُژمنیں لشکر ءِ ٹوھیں بنجل ءِ سر ءَ اُرش کُرتگ۔
آئی ءَ گوشتگ کہ دوشی شپ ءِ نوہ ءَ سرمچاراں نزیک ءَ شُتگ ءُ سورو مند ءَ برجاھیں زورگریں پاکستانی لشکر ءِ ٹوھیں بنجل ءِ سر ءَ گوں راکٹاں اُرش کُرتگ۔دو راکٹ بنجل ءِ تہ ءَ کپتگ چہ ایشی ءَ دُژمن ءَ جانی ءُ مالی تاوان بیتگ۔
جارکش ءَ گوشتگ کہ اُرش ءَ پد پروش وارتگیں دژمن ءَ لس آبادی ءِ سر ءَ تیرگْواری کُرتگ بلے ھچ پیمیں جانی تاوان ءِ ھال نیست۔
بی ایل ایپ ءِ جارکش میجر گھرام ءَ اُرش ءِ زمہ واری منّ اتگ ءُ گوشتگ کہ داں سرڈگار ءِ آجوئی ءَ دژمنیں لشکر ءِ سر ءَ اُرش برجاہ بنت۔
