تھران: ایران ءَ دمشک ءَ وتی سپارتجاہ ءِ اُرش ءِ پسو ءَ اسرائیل ءِ سر ءَ 200 ءَ گیش میزائل ءُ وتکش ڈرون اُرش کرتگ۔
ایرانی رسانکدر ءِ رد ءَ ایران ءَ اسرائیل ءِ سر ءَ ڈرون اُرش کرتگ ءُ ارش ءَ اسرائیل ءِ دیمپانی شوربندی ءُ لشکری بندر نشانگ کرتگ اَنت۔
ایرانی رسانکدر ءِ گوشگ اِنت کہ ایران اسرائیل ءِ سر ءَ کرتگیں اُرشاں پنجاہ درسد وتی نشانگ کنگ ءَ سوبین بوتگ۔
جھانی رسانکدر ءِ رد ءَ ایران ءَ اسرائیل ءِ سر ءَ تچکی ءَ ڈرون اُرش کرتگ، اے اُرش ءِ گپ ایرانی پاسداران انکلاب ءَ راست کرتگ۔ اسرائیل ءَ ایران ءِ باز ڈرونانی دور دیگ ءِ گپ جتگ۔
