بلوچ آجوئی لشکر ( بی ایل اے ) ءِ جارکش جیھند ءَ ماں رسانکدر ءَ وتی شنگ کرتگیں درشانے ءَ گوشتگ کہ بی ایل اے ءِ سرمچاراں مرچی مستونگ ءِ ھند مرو ءَ زورگریں پاکستانی لشکر اُرش ءَ نشانگ کرتگ، اُرش ءِ آسر ءَ یک دژمنیں کارمندے جاھی مرتگ ءُ سے ٹپی بوتگ۔
آئی گوشتگ کہ سرمچاراں زورگریں پاکستانی لشکر ءِ سے گاڑیانی کارمند ھما وھد ءَ سنگر گپتگ ءُ نشانگ کرتگ اَنت کہ آ گوستگیں روچ ءَ بی ایل اے ءِ اُرش ءَ گوں تراک ءَ دژمن ءِ نشانگ کنگ ءِ جاہ ءَ آتکگ اَنت ءُ چارگ ءَ بوتگ اَنت۔ بی ایل اے ءِ سرمچاراں اُرش ءَ گرنیڈ لانچر ءُ وتکاریں سلاہ کارمرز کرتگ اَنت چہ ایشی آسر ءَ یک دژمنیں کارمندے جاھی مرتگ ءُ کم چہ کم سے کارمند ٹپی بوتگ۔
بی ایل اے ءِ جارکش جیھند ءَ اُرش ءِ زمہ واری منّ اِتگ ءُ گوشتگ کہ داں زورگریں پاکستانی لشکر ءِ چہ بلوچستان ءَ در آھگ ءَ مئے اُرش برجاہ بنت۔
