کیچ: ھوشاپ ءَ زورگریں پاکستانی لشکر ءِ دست ءَ زور بیگواه کنگ بوتگیں ڈاکٹر مشتاک آجو بوتگ۔
بنشون ءِ رد ءَ زور بیگواه کنگ بوتگیں ڈاکٹر مشتاک ء سوالی ھوشاپ ءِ جاه منند اِنت کہ 1 آپریل 2024 ءِ شپ ءَ پاکستانی لشکر ءُ چیریں ادارھانی کارمنداں آئی ءِ گس ءَ بیڑ برتگ ءُ آوار جنگ ءَ پد بیگواه کرتگ۔ ڈاکٹر مشتاک سے روچ ءِ زوریں بیگواھی ءَ پد زی آجو بوتگ ءُ وتی گس ءَ سر اِنت۔
یات بہ بہ اِت کہ ڈاکٹر مشتاک ءِ کھول ءَ آئی زوربیگواھی ءِ بگیری ءَ 3 اپریل ءَ ھوشاپ ءَ زھرشانی کرتگ ءُ سی پیک دگ بند ھم کرتگ۔
